Nissa la Bella
Viva, viva Nissa la Bella !
O la miéu bella Nissa,
Regina de li flou,
Li tiéu vielhi taulissa
Iéu canterai toujou !
Canterai li mountagna,
Lu tiéu tant ric decor,
Li tiéu verdi campagna,
Lou tiéu gran soulèu d'or !
Toujou iéu canterai
Souta li tiéu tounela
La tiéu mar d'azur,
Lou tiéu cièl pur,
E toujou criderai
En la miéu ritournella :
Viva, viva Nissa la bella !
Canti la capelina,
La rosa, lou lilà,
Lou pouòrt e la marina,
Païoun, Mascouïnà !
Canti la soufieta
Doun naisson li cansoun,
Lou fus, la coulougneta,
La miéu bella Nanoun !
Canti li nouòstri gloria,
L'antic bèu calèn,
Dòu dounjoun li vitoria,
L'òudou dòu tiéu printèms !
Canti lou vièlh Cincaire,
Lou tiéu blanc drapèu,
Pi lou brès de ma maire
Dòu mounde lou pu bèu !